Таҳти ҳамин сарлавҳа ҳафтаномаи “Тоҷикистон” ҳафтаи равон натиҷаи пурсишномаеро ба нашр расонд.
Кормандони ҳафтанома ба зиёда аз 300 нафар ашхоси шинохта ва мардуми одӣ бо саволи зерин муроҷиат намуданд: “Бо кадом хизматҳояш Президенти Тоҷикистон Эмомалӣ Раҳмонро сазовори мартабаи Пешвои миллат медонед?” Ба саволи мазкур аз ҷумла Нуриддин Саидов, вазири маорифи Тоҷикистон,ҷавоб додаистода, мегӯяд, ки пешвоёни миллат аксаран дар сатҳи байналмилалӣ обрю эътибори хосса доштанд, ки ин сифатҳо дар Роҳбари Давлати мо вуҷуд дорад. Азизбек Асламов имом хатиб аз ш. Душанбе бошад, дар он ақида ҳаст, ки азбаски Президенти Тоҷикистон чӣ дар форумҳои ҷаҳонӣ ва чӣ дар дохили кишвар аз Ислом ҳамчун дини сулҳу салоҳ ҳимоя мекунад, сазовори он аст, ки Пешвои миллат гӯемаш. Инчунин ба саволи мазкур Низом Қосим,раиси Иттифоқи нависандагон, Абдулло Раҳнамо, корманди Маркази тадқиқоти стратегии назди Президенти Тоҷикистон, Муродулло Давлатов, вакили МО,Бозгул Додхудоева,собиқ муовини сарвазири Тоҷикистон, Дилшод Назаров, гурзандоз,Раҳмоналӣ амирзода, раиси ш. Ваҳдат,Ислом Зиёзода. Раиси ш. Панҷакент, Мазлуми Майдонӣ, коргар аз ш. Роғун, Мирзохӯҷа Аҳмадов, собиқ қумандони ИНОТ Раъно Раҳимзода, Раиси н.Фархор, Азиз Гиёев, раиси н. Шуғнон,Ғиёсиддин Меъроҷов, академик, ҷавоб гуфтаанд, ки онро дар ҳафтаномаи “Тоҷикистон” метавонед мутолиа намоед.