Саидамир Зуҳуров , роҳбари собиқи Кумитаи давлатии амнияти миллии Тоҷикистон аз тағйироти кадрии 24 ноябр дар Вазорати дифоъ ва баъзе аз сохторҳои қудратии кишвар истиқбол карда, афроди тозатаъинро “одамони санҷидашуда” номид.
Ӯ гуфтааст, ки акнун дар пеши кадрҳои тозатаъин вазифаи муҳими “аз даст надодани ҳушёрии сиёсӣ” меистад. "Ҳушёрии сиёсӣ - ин ватанро дӯст доштан, миллатро дӯст доштан, шахси бедор будан аст. Ватандӯст нисбат ба ҳар як коре, ки дар ҷомеа душман мехоҳад анҷом диҳад, набояд бетараф бошад ва бояд пешгирӣ ва фош кунад. Ҳодисаҳои Аврупоро бубинед, ки он ҷо чӣ мегузарад."-гуфтааст ЗуҳуровБа гуфти ӯ, дар шароите, ки хатарҳои гуногун ба амнияти кишварҳо таҳдид дорад, ҳамкории сокинон бо мақомотро муҳим аст. Зуҳуров мегӯяд: “Дар ин шабу рӯз мардум бояд дар атрофи давлат, дар атрофи сохторҳои қудратӣ муттаҳид бошанд. Ёрӣ кунанд, ки ягон нохалаф сар нахалонад."