Шӯрои миллии назди Президенти Ҷумҳурии Тоҷикистон оид ба ҷавонон ба фаъолият оғоз кардааст, дар ин бораи имрӯз баъди зӯҳр Аҳтам Абдуллозода, раиси Кумитаи ҷавонон, варзиш ва сайёҳии назди ҳукумати Ҷумҳурии Тоҷикистон, зимни нишасти матбуотии ниҳоди тобеаш иттилоъ дод.
Ҳадаф аз таъсиси шӯрои мазкур ҷоннок намудани сиёсати ҷавонон, пешгирӣ намудани пайвастани ҷавонон ба гурӯҳҳои ифротиву экстримистӣ мебошад, -қайд кард номбурда. Шӯрои мазкур дар назди Президенти Ҷумҳурии Тоҷикистон таъсис ёфта роҳбарии онро Эмомалӣ Раҳмон ба ӯҳда дорад.
Худи Аҳтам Абдуллозода муовини раиси ин Шӯро таъин шудааст.
Зимни нишаст, ҳамчунин иттилоъ дода шуд, ки Ҷоизаи Исмоили Сомонӣ барои олимони ҷавон аз 6 ба 12 адад расонида шудааст.
Addthis: