Дирӯз дар ҷамоати Чоркӯҳи Исфара миёни 3 милиса муноқиша рух дода, як тани онҳо бо тири туфангча ҳамкасбони худро куштааст.
Ин хабарро дар Исфара таъйид карда ва гуфтанд, ки ҳодиса тақрибан соати 11-и рӯзи душанбе дар наздикии деҳаи Хоҷаи Аъло, ҳаммарз бо Қирғизистон, рух додааст.
Бино ба иттилои манобеъ, маъмурони милисаи кушташуда -- Маҳкам Сафаров ва Алишер Шехназаров будаанд. Ҷасади Сафаров дирӯз дар зодгоҳаш Исфара ба хок супорида шуда, ҷасади Шехназаров ба зодгоҳаш - ноҳияи Мастчоҳ интиқол ёфтааст. Сабаби муноқиша ва тирпаронӣ маълум нест ва мақомот то ҳол дар ин бора изҳори назар накардаанд.
Addthis: