Бо маблағгузории МИҲД-и шаҳри Хуҷанд давоми ду ҳафтаи охир намуди берунии биноҳои баландошёнаи маркази шаҳр таъмир ва рангубор карда мешаванд.
Ин иқдом ба муносибати 25–солагии Истиқлолияти Тоҷикистон роҳандозӣ шудааст. Ба иттилои мақомоти иҷроияи маҳаллӣ дар Хуҷанд барои анҷоми корҳои ободонӣ аз буҷети маҳаллӣ 90 ҳазор сомонӣ маблағ ҷудо шудааст.
Аз оғози ии иқдом то имрӯз кормандону мутахассисони минтақаи ба истифодадиҳии манзилҳои соҳили чапи шаҳри Хуҷанд бо истифодаи воситаҳои техникӣ ба намуди зоҳирии 6 бинои баландошёнаи хиёбони ба номи “Исмоили Сомонӣ”-ро пурра зеббахшӣ намудаанд.
Addthis: