Нақшаи будҷаи Тоҷикистон барои се моҳаи аввал иҷро нашудааст.
Вазири молияи Тоҷикистон Абдусалом Қупбониён дар ҷаласаи ҳукумат дар ин хусус ҳисобот додааст. Дафтари матбуоти раисиҷумҳури Тоҷикистон хабар медиҳад, ки дар семоҳаи аввал нақшаи будҷа 93,5 дарсад иҷро шуда, 3, 4 миллиард сомонӣ ворид шудааст.
Эмомалӣ Раҳмон дар пайи ҳисоботи вазири молия ба тамоми раҳбарон ва масъулини блоки иқтисодии ҳукумат дастур дод, ки барои иҷро шудани будҷа ва дигар пардохтҳо чораҳои дахлдор бинанд. Ҳисобот дар хусуси иҷро нашудани нақшаи будҷа дар ҳоле ироа мешавадл, ки даромади будҷа дар соли ҷорӣ 18,3 миллиард сомонӣ пешбинӣ шуд. Дар аввали соли ҷорӣ, Абдуфаттоҳ Ғоиб дар хусуси иҷро нагардидани нақшаи будҷа ҳушдор дода буд. Аммо Нусратулло Давлатзода дар мавриди иҷро шудани нақшаи будҷа он замон гуфт:"Мо худ камбудиҳо дорем. Бисёр имкониятҳое ҳастанд, ки истифода набурдаем. Муҳим давлат тинҷ бошад, буҷаро иҷро мекунем. Дар ин хусус хушбинем".