Тибқи иттилои сомонаи ФФТ вохӯрии ҳафтум барои дарёфти Суперҷоми Тоҷикистон рӯзи 3 апрел байни дастаҳои лигаи олии кишвар «Истиқлол» ва «Хуҷанд» дар варзишгоҳи «Металлург»-и шаҳри Турсунзода баргузор мешавад.
Дар асоси низомнома дастаи «Истиқлол»-и Душанбе, ки унвони чемпиони Тоҷикистон ва Ҷоми Тоҷикистонро дар соли 2015 сазовор шуда буд ва ҷоизаи нуқрадори чемпионати порсола «Хуҷанд»-и Хуҷанд ҳуқуқ доранд барои Суперҷоми Тоҷикистон ба майдон бароянд.
«Истиклол» солҳои 2010, 2011, 2012, 2014 ва 2015 Суперҷомро ба даст овардааст. Фақат соли 2013 ба «Равшан»-и Кӯлоб муяссар шуд, ки Суперҷомро аз дастаи «Регар-ТадАЗ»-и Турсунзода бо ҳисоби 2:1 бибарад.
Addthis: