Имрӯз дар шаҳри Душанбе вохӯрии Раҷаббой Аҳмадзода, раиси шаҳри Хуҷанд бо донишҷӯёни хуҷандӣ, ки дар донишгоҳу донишкадаҳои олии пойтахт таҳсили илм доранд, баргузор гардид.
Дар мулоқот Аҳтам Абдуллозода, раиси Кумитаи ҷавонон, варзиш ва сайёҳии назди Ҳукумати Тоҷикистон низ иштирок кард.
Иттилоъ дода шуд, ки ҳадаф аз ин мулоқот аз наздик шинос шудани раиси шаҳри Хуҷанд бо шарту шароити таҳсил ва зиндаги донишҷӯён хуҷандӣ мебошад. Тавре ки номбурда ҳангоми суханронӣ иброз дошт, имрӯз донишҷӯёнро лозим аст, ки аз ҳар вақта дида бештар зирраку ҳушёр бошанд, ба таҳсил рӯ оварда, илмҳои замонавиро зина ба зина аз худ намоянд. Ҳамчунин, дар сӯҳбати рӯ донишҷӯён имкон пайдо карданд, ки бо Раҷаббой Аҳмадзода ошкоро саволу ҷавоб намоянд. Сипас, Раҷаббой Аҳмадзода дар якҷоягӣ бо Аҳтам Абдуллозода ба донишҷӯёни фаъоли хуҷандӣ тӯҳфаҳои пулӣ тақдим карда, онҳоро ба донишандӯзии муосир бештар даъват намуданд.
Тафсилоти гузоришро дар ҳафтаномаи «Тоҷикистон» мутолиа намоед.