Бонки миллӣ барои коҳиши болоравии қурби доллар 1 миллион юани чиниро вориди бозори асъор мекунад
Ҷамшед Нурмуҳаммадзода, раиси Бонки Миллии Тоҷикистон дар ҷаласаи Маҷлиси намояндагон гуфт, барои паст кардани шиддати болоравии қурби доллар Бонки миллӣ як миллион юан-пули миллии Чинро вориди бозор мекунад.
Ин нуктаро раиси Бонки миллӣ рӯзи 2 ноябр дар ҳузури вакилон таъкид кард ва афзуд, ки ба муомилот баровардани юан барои тоҷироне, ки аз Чин мол ворид мекунанд, имконият медиҳад, бидуни мушкил пулҳои худро муболила кунанд.
Моҳи сентиябри ҳамин сол Тоҷикистон ва Чин созишномаеро имзо карданд, ки бар асоси он тоҷирон имкон доранд, пули сомониро бо юан мустақим иваз карда аз Чин маҳсулот ворид кунанд.
Addthis: