Бинобар иттилои Алишер Урунов, менеҷери Лигаи миллии футболи Тоҷикистон, 28 ноябри соли равон дар Варзишгоҳи марказии шаҳри Душанбе вохӯрии ниҳоии дастаҳои «Истиқлол» ва «Регар-ТадАЗ» барои дарёфти Ҷоми Тоҷикистон-2015 баргузор мешавад. Оғози бозӣ соати 14.00 муқаррар шудааст.
Мусобиқаи дастаҳои лигаҳои олӣ ва аввали мамлакат аз соли 1991 шурӯъ шуда, маротибаи 24-умбо ибтикори Федератсияи футболи Тоҷикистон доир карда мешавад.
Дастаи “Истиқлол”-и Душанбе, ки бори чорум унвони чемпиониро дар мавсими имсола соҳиб шудааст, аллакай дар мусобиқаи гурӯҳии Ҷоми Тоҷикистон-2016 мавқеъ пайдо кардааст.
Агар дар вохӯрии ниҳоӣ пирӯзӣ насиби дастаи «Регар-ТадАЗ» шавад, он соли оянда дар мусобиқаи Ҷоми КФО ширкат хоҳад варзид.
Addthis: