Вазорати корҳои дохилии Тоҷикистон аз боздошти чор ҷавоне дар шаҳри Душанбе хабар дод, ки дар халалдор кардани тартиботи ҷамъиятӣ муттаҳам мешаванд.
22 август тахминан соати 11:30 дар гулбоғи бо номи “Абулқосим Фирдавсӣ”-и шаҳри Душанбе ҷавони 24-сола, ки қаблан бо моддаи 244 Кодекси ҷиноятии Тоҷикистон судшудааст, ҳамроҳ бо се нафари дигар -- ҷавонони 30 ва 22-сола ва ноболиғи 16-сола, “тартиботи ҷаъмиятиро вайрон намуда, ҷавони 25-солаи сокини шаҳри Душанберо бе ягон асос лату кӯб намуда, бо корди дар дасташон буда, ба қафаси синааш 1 маротиба зада, аз ҷойи ҳодиса ғайб задаанд”.
Манбаъ меафзояд, ҷабрдида зарари ҷисмонӣ бардоштааст: “Нисбати гумонбаршудагон парвандаи ҷиноятӣ оғоз гардида, тафтишоти ҳодисаи мазкур идома дорад”.
Addthis: