Муфтии Русия Эмомалӣ Раҳмон, раисҷумҳури Тоҷикистонро ҳомии ислом хондааст.
Равил Ғайнуддин, сардори Шӯрои уламои Русия 10 феврал дар суҳбат бо Имомуддин Сатторов, сафири Тоҷикистон дар Маскав изҳор доштааст, ки Эмомалӣ Раҳмон тавониста аз тақсимшавии мусалмонҳо дар Тоҷикистон ҷилавгирӣ кунад: “Бо талошҳои Эмомалӣ Раҳмон барои ҳифзи Исломи анъанавию мазҳаби ҳанафӣ аз паҳншавии ақидаҳои ифротӣ ва ҷудоиандозӣ миёни мусалмонон дар Тоҷикистон ҷилавгирӣ карда шуд”.
Ҳамчунин муфтии Русия аз ҳамкорӣ бо Шӯрои уламои Тоҷикистон изҳори қаноатманди карда, аз такмили ихтисоси имомхатибони тоҷик ва иштироки қориёни тоҷик дар озмунҳои Русия пуштибонӣ намудааст.
Addthis: